ജൂലൈയിലും വൈദ്യുതി നിയന്ത്രണത്തിന് സാധ്യത; കെഎസ്ഇബിക്ക് കമ്മിഷന്റെ കടുത്ത ചോദ്യങ്ങൾ, വൈദ്യുതി വാങ്ങൽ കരാറുകൾക്ക് അംഗീകാരം നീണ്ടു

by News Desk | on 29 Jun 2026

Share: Facebook | Twitter | WhatsApp | LinkedIn

തിരുവനന്തപുരം സംസ്ഥാനത്ത് ജൂലൈ മുതൽ ഡിസംബർ വരെയുള്ള കാലയളവിൽ വൈദ്യുതി ക്ഷാമം രൂക്ഷമാകുമെന്ന മുന്നറിയിപ്പിനിടെ ആവശ്യമായ കൃത്യമായ കണക്കുകൾ സമർപ്പിക്കാത്തതിനാൽ വൈദ്യുതി വാങ്ങൽ കരാറുകൾക്ക് കേരള സംസ്ഥാന വൈദ്യുതി റഗുലേറ്ററി കമ്മിഷൻ അംഗീകാരം നൽകിയില്ല കമ്മിഷൻ ആവശ്യപ്പെട്ട വിശദമായ കണക്കുകൾ ഇന്ന് സമർപ്പിക്കുമെന്ന് കെഎസ്ഇബി അറിയിച്ചിട്ടുണ്ട് ജൂലൈ മുതൽ ഡിസംബർ വരെ 600 മുതൽ 1000 മെഗാവാട്ട് വരെ വൈദ്യുതി ലഭ്യതയിൽ കുറവ് നേരിടുമെന്നാണ് കെഎസ്ഇബി വിലയിരുത്തുന്നത് സെപ്റ്റംബർ ഒഴികെയുള്ള മാസങ്ങളിലെ വൈദ്യുതി ക്ഷാമം പരിഹരിക്കുന്നതിനായി അധിക വൈദ്യുതി വാങ്ങാനുള്ള കരാറുകൾക്കാണ് ബോർഡ് കമ്മിഷന്റെ അനുമതി തേടിയത് എന്നാൽ ഓരോ മാസവും പ്രതീക്ഷിക്കുന്ന വൈദ്യുതി ആവശ്യകത സ്വന്തം ഉൽപാദനവും കേന്ദ്ര വിഹിതവും ഉൾപ്പെടെ ലഭ്യമാകുന്ന വൈദ്യുതിയുടെ അളവ് കുറവ് എത്രയെന്നതടക്കമുള്ള വ്യക്തമായ കണക്കുകൾ സമർപ്പിക്കണമെന്നാണ് റഗുലേറ്ററി കമ്മിഷൻ നിർദേശിച്ചത് ഈ വിവരങ്ങൾ അപൂർണമായതിനാലാണ് കരാറുകൾക്ക് ഉടൻ അംഗീകാരം നൽകാതിരുന്നത് ജൂലൈയിൽ മാത്രം ഏകദേശം 600 മെഗാവാട്ടിന്റെ കുറവ് പ്രതീക്ഷിക്കുന്ന സാഹചര്യത്തിൽ കെഎസ്ഇബി 300 മെഗാവാട്ട് വൈദ്യുതി വാങ്ങാനാണ് ടെൻഡർ ക്ഷണിച്ചത് എന്നാൽ ഒടുവിൽ 150 മെഗാവാട്ടിനുള്ള കരാറാണ് ലഭ്യമായത് ഇതോടെ പ്രതീക്ഷിക്കുന്ന ആവശ്യകതയും ലഭ്യമാകുന്ന വൈദ്യുതിയും തമ്മിലുള്ള അന്തരം കൂടുതൽ ആശങ്കയുണ്ടാക്കുകയാണ് ഇതിനിടെ സംസ്ഥാനത്തിന്റെ വിവിധ ഭാഗങ്ങളിൽ വൈദ്യുതി സംഭരണത്തിനായി കെഎസ്ഇബി സ്ഥാപിച്ചുവരുന്ന ബാറ്ററി എനർജി സ്റ്റോറേജ് സിസ്റ്റം പദ്ധതികളുടെ പുരോഗതി എല്ലാ ആഴ്ചയും ഔദ്യോഗിക വെബ്സൈറ്റിൽ പ്രസിദ്ധീകരിക്കണമെന്നും റഗുലേറ്ററി കമ്മിഷൻ നിർദേശിച്ചിട്ടുണ്ട് പദ്ധതികളുടെ സുതാര്യതയും സമയബന്ധിതമായ നടപ്പാക്കലും ഉറപ്പാക്കുന്നതിനാണ് ഈ നിർദേശം അതേസമയം സംസ്ഥാനത്ത് ജൂണിൽ ഏർപ്പെടുത്തിയ വൈദ്യുതി നിയന്ത്രണങ്ങൾ ജൂലൈയിലും തുടരാൻ സാധ്യതയുണ്ടെന്നാണ് സൂചന പ്രധാന ജലവൈദ്യുത ഡാമുകളിലെ ജലനിരപ്പ് കുറയുന്നതും വൈകുന്നേരങ്ങളിലെ പീക്ക് സമയത്ത് വൈദ്യുതി ആവശ്യകത കുത്തനെ ഉയരുന്നതും ദേശീയ ഗ്രിഡിൽ നിന്നുള്ള വൈദ്യുതി ലഭ്യത പരിമിതമായിരിക്കുന്നതുമാണ് പ്രതിസന്ധിക്ക് കാരണമാകുന്നത് വൈദ്യുതി ആവശ്യകത വർധിച്ചുകൊണ്ടിരിക്കുന്ന സാഹചര്യത്തിൽ അധിക വൈദ്യുതി ലഭ്യമാക്കാനുള്ള നടപടികൾ വേഗത്തിലാക്കുകയും ദീർഘകാല വൈദ്യുതി സംഭരണ പദ്ധതികൾ സമയബന്ധിതമായി പൂർത്തിയാക്കുകയും ചെയ്യേണ്ടത് സംസ്ഥാനത്തിന് മുന്നിലുള്ള പ്രധാന വെല്ലുവിളിയായി മാറുകയാണ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക