മുല്ലപ്പെരിയാർ: പുതിയ ഡാമിൽ കേരളം ഉറച്ച്

by News Desk | on 30 Jun 2026

Share: Facebook | Twitter | WhatsApp | LinkedIn

തൊടുപുഴ മുല്ലപ്പെരിയാർ അണക്കെട്ടുമായി ബന്ധപ്പെട്ട് പുതിയ അണക്കെട്ട് നിർമിക്കണമെന്ന ആവശ്യം കേരളം വീണ്ടും ശക്തമായി ഉന്നയിച്ചു സംസ്ഥാന സന്ദർശനത്തിനെത്തിയ പാർലമെന്റിന്റെ ജലവിഭവ സ്റ്റാൻഡിങ് കമ്മിറ്റി യോഗത്തിലാണ് കേരളത്തിന്റെ പ്രതിനിധികൾ സുരക്ഷാ ആശങ്കകൾ ചൂണ്ടിക്കാട്ടി പുതിയ ഡാം നിർമിക്കേണ്ടതിന്റെ ആവശ്യകത ആവർത്തിച്ചത് മുല്ലപ്പെരിയാർ അണക്കെട്ടിന്റെ നിലവിലെ സുരക്ഷാ സാഹചര്യം നേരിട്ട് വിലയിരുത്തുന്നതിനായി കോംപ്രിഹൻസീവ് ഡാം ഇവാലുവേഷൻ കമ്മിറ്റി എത്രയും വേഗം അണക്കെട്ട് സന്ദർശിക്കണമെന്നും കേരളം ആവശ്യപ്പെട്ടു അണക്കെട്ടിന്റെ യഥാർഥ അവസ്ഥ നേരിൽ പരിശോധിച്ചാൽ മാത്രമേ കേരളത്തിലെ ജനങ്ങൾ അനുഭവിക്കുന്ന ആശങ്കയുടെ ഗൗരവം മനസ്സിലാക്കാൻ കഴിയുകയുള്ളുവെന്നാണ് സംസ്ഥാനത്തിന്റെ നിലപാട് യോഗത്തിൽ തമിഴ്നാട് പ്രതിനിധികൾ അണക്കെട്ടിലെ ജലനിരപ്പ് നിലവിലെ 142 അടിയിൽ നിന്ന് 152 അടിയായി ഉയർത്താൻ അനുമതി നൽകണമെന്ന് ആവശ്യപ്പെട്ടു എന്നാൽ 142 അടിക്ക് മുകളിൽ ഒരിഞ്ചുപോലും ജലനിരപ്പ് ഉയർത്താനാവില്ല എന്ന ഉറച്ച നിലപാടാണ് കേരളം സ്വീകരിച്ചത് സുരക്ഷാ കാരണങ്ങൾ ചൂണ്ടിക്കാട്ടിയാണ് കേരളം ഈ ആവശ്യം ശക്തമായി ഉന്നയിച്ചത് അതേസമയം പുതിയ അണക്കെട്ട് നിർമിക്കാൻ അനുവദിക്കില്ലെന്ന നിലപാടാണ് തമിഴ്നാട്ടിൽ നിന്നുള്ള സ്റ്റാൻഡിങ് കമ്മിറ്റി അംഗം തങ്കത്ത ് സെൽവൻ എം പി യും തമിഴ്നാട് ഉദ്യോഗസ്ഥരും യോഗത്തിൽ അറിയിച്ചത് ഇതോടെ ഇരു സംസ്ഥാനങ്ങളും തങ്ങളുടെ പഴയ നിലപാടുകളിൽ തന്നെ ഉറച്ചുനിൽക്കുന്ന ചിത്രം യോഗത്തിലും വ്യക്തമായി ചർച്ചകൾക്ക് ശേഷം പ്രതികരിച്ച ജെബി മേത്തർ എം പി മുല്ലപ്പെരിയാർ വിഷയം കേരളത്തിലെ അഞ്ച് ജില്ലകളിലായി താമസിക്കുന്ന ഏകദേശം 35 ലക്ഷം ജനങ്ങളുടെ സുരക്ഷയുമായി ബന്ധപ്പെട്ട അതീവ ഗൗരവമുള്ള വിഷയമാണെന്ന് പറഞ്ഞു തമിഴ്നാടിന് വെള്ളം നിഷേധിക്കണമെന്ന നിലപാട് കേരളത്തിനില്ലെന്നും ഇരുസംസ്ഥാനങ്ങളുടെയും ജനങ്ങളുടെ ആശങ്കകൾ പരിഹരിക്കുന്ന തരത്തിലുള്ള ശാശ്വത പരിഹാരം ഉണ്ടാകുമെന്നാണ് പ്രതീക്ഷയെന്നും അവർ വ്യക്തമാക്കി മൂന്നാറിൽ നടന്ന യോഗത്തിൽ സ്റ്റാൻഡിങ് കമ്മിറ്റി ചെയർമാൻ രാജീവ് പ്രതാപ് റൂഡി എം പി അധ്യക്ഷനായി കേരളവും തമിഴ്നാടും രാജ്യത്തെ പ്രധാന സംസ്ഥാനങ്ങളാണെന്നും ഇരുസംസ്ഥാനങ്ങളുടെയും ആവശ്യങ്ങളും ആശങ്കകളും കേന്ദ്രസർക്കാരിന്റെ ശ്രദ്ധയിൽപ്പെടുത്തുമെന്നും അദ്ദേഹം പറഞ്ഞു പ്രശ്നത്തിന് എല്ലാവർക്കും സ്വീകാര്യമായ പരിഹാരം കണ്ടെത്താനാണ് കേന്ദ്ര ജലവിഭവ മന്ത്രാലയം ശ്രമിക്കുന്നതെന്നും ഇരു സംസ്ഥാനങ്ങളിലെ ഉദ്യോഗസ്ഥരുടെ അഭിപ്രായങ്ങളും വിശദമായി കേൾക്കുമെന്നും അദ്ദേഹം വ്യക്തമാക്കി ദക്ഷിണേന്ത്യയിലെ ജനങ്ങൾക്ക് ഗുണകരമായ തീരുമാനമാണ് കേന്ദ്രം ലക്ഷ്യമിടുന്നതെന്നും അദ്ദേഹം കൂട്ടിച്ചേർത്തു കേരളത്തെ പ്രതിനിധീകരിച്ച് ജലവിഭവ സ്പെഷൽ സെക്രട്ടറി എസ് സുഹാസ് യോഗത്തിൽ പങ്കെടുത്തു മുല്ലപ്പെരിയാർ വിഷയത്തിൽ സുരക്ഷ ജലവിതരണം പുതിയ അണക്കെട്ട് എന്നീ വിഷയങ്ങൾ കേന്ദ്രീകരിച്ചുള്ള ചർച്ചകൾ ഇനിയും തുടരുമെന്നാണ് സൂചന ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക