• News Desk
• 9 2026-06-26 11:22:20

ന്യൂഡൽഹി പഹൽഗാം ഭീകരാക്രമണത്തിന് മറുപടിയായി ഇന്ത്യ നടത്തിയ ഓപ്പറേഷൻ സിന്ദൂർ സൈനിക നീക്കത്തിനിടെ രാജ്യത്തിനായി ജീവൻ ബലിനൽകിയ ആറ് ധീരസൈനികരുടെ പേരുകൾ കേന്ദ്ര സർക്കാർ ഔദ്യോഗികമായി പുറത്തുവിട്ടു അഞ്ച് കരസേനാംഗങ്ങളും ഒരു വ്യോമസേനാംഗവുമാണ് അതിർത്തി സംരക്ഷണ ദൗത്യത്തിനിടെ വീരമൃത്യു വരിച്ചത് രാജ്യത്തിനായി നടത്തിയ പരമോന്നത ത്യാഗത്തെ ആദരിക്കുന്നതിന്റെ ഭാഗമായി ന്യൂഡൽഹിയിലെ ദേശീയ യുദ്ധസ്മാരകത്തിലെ ത്യാഗ് ചക്ര എന്നറിയപ്പെടുന്ന ബലിചക്രത്തിൽ ഈ സൈനികരുടെ പേരുകൾ ആലേഖനം ചെയ്യുമെന്ന് കേന്ദ്ര സർക്കാർ അറിയിച്ചു 2025 ൽ വിവിധ സൈനിക ഓപ്പറേഷനുകളിൽ രാജ്യത്തിനായി ജീവൻ അർപ്പിച്ച ധീരരുടെ പട്ടികയിലാണ് ഇവരുടെയും പേരുകൾ ഉൾപ്പെടുത്തിയിരിക്കുന്നത് വീരമൃത്യു വരിച്ച കരസേനാംഗങ്ങൾ സുബേദാർ മേജർ പവൻ കുമാർ റൈഫിൾമാൻ സുനിൽ കുമാർ ലാൻസ് നായിക് ദിനേശ് കുമാർ അഗ്നിവീർ മുരളി നായിക് ഹവിൽദാർ സുനിൽ കുമാർ സിങ് എന്നിവരാണ് വ്യോമസേനയിൽ നിന്ന് സർജന്റ് സുരേന്ദ്ര കുമാർ ആണ് ജീവൻ ബലിനൽകിയത് സ്വാതന്ത്ര്യാനന്തരം രാജ്യത്തിന്റെ സുരക്ഷയ്ക്കായി പോരാടുന്നതിനിടെ വീരമൃത്യു വരിച്ച സൈനികരുടെ സ്മരണയ്ക്കായി സ്ഥാപിച്ച ദേശീയ യുദ്ധസ്മാരകത്തിലെ 16 ഗ്രാനൈറ്റ് ചുവരുകളിലാണ് ഈ ധീരരുടെ പേരും റാങ്കും യൂണിറ്റും സ്ഥിരമായി രേഖപ്പെടുത്തുക രാജ്യത്തിന്റെ പ്രതിരോധ ചരിത്രത്തിലെ ധീരത്യാഗങ്ങളുടെ സാക്ഷ്യമായി ഈ സ്മാരകം നിലകൊള്ളുന്ന സാഹചര്യത്തിൽ പുതിയതായി ഉൾപ്പെടുത്തുന്ന പേരുകളും വരുംതലമുറകൾക്ക് പ്രചോദനമാകുമെന്നാണ് കേന്ദ്ര സർക്കാരിന്റെ വിലയിരുത്തൽ പഹൽഗാം ഭീകരാക്രമണത്തെ തുടർന്ന് അതിർത്തിയിൽ ഇന്ത്യ നടത്തിയ ശക്തമായ സൈനിക നടപടികളുടെ ഭാഗമായിരുന്നു ഓപ്പറേഷൻ സിന്ദൂർ ഈ ദൗത്യത്തിനിടെ ജീവൻ ബലിനൽകിയ സൈനികരുടെ സേവനവും സമർപ്പണവും രാജ്യം എന്നും നന്ദിയോടെ ഓർക്കുമെന്നും കേന്ദ്ര സർക്കാർ അറിയിച്ചു രാജ്യത്തിന്റെ പരമാധികാരവും സുരക്ഷയും കാത്തുസൂക്ഷിക്കുന്നതിനായി ജീവൻ അർപ്പിച്ച ധീരരുടെ ത്യാഗത്തിന് ദേശീയ യുദ്ധസ്മാരകത്തിലെ ഈ ആദരം രാജ്യത്തിന്റെ കൂട്ടായ ആദരവിന്റെ പ്രതീകമായിരിക്കും ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക