• News Desk
• 6 2026-05-06 09:19:00

ഇസ് ലാമാബാദ് പാകിസ്ഥാനിലെ പെഷവാറിലുള്ള തങ്ങളുടെ കോൺസുലേറ്റ് ഔദ്യോഗികമായി അടച്ചുപൂട്ടുന്നതായി പ്രഖ്യാപിച്ച് അമേരിക്ക ഉദ്യോഗസ്ഥരുടെ സുരക്ഷയും വിഭവങ്ങളുടെ കാര്യക്ഷമമായ വിനിയോഗവും മുൻനിർത്തിയാണ് തീരുമാനമെന്ന് യുഎസ് സ്റ്റേറ്റ് ഡിപ്പാർട്ട് മെന്റ് അറിയിച്ചു ഇനി മുതൽ ഖൈബർ പഖ്തൂൺഖ്വ പ്രവിശ്യയുമായുള്ള നയതന്ത്ര ഇടപാടുകൾ ഇസ് ലാമാബാദിലെ യുഎസ് എംബസി നേരിട്ട് നിയന്ത്രിക്കും എട്ടു ആഴ്ചകൾക്ക് മുമ്പ് കറാച്ചിയിലെ യുഎസ് കോൺസുലേറ്റിന് നേരെ നടന്ന പ്രതിഷേധമാണ് പെട്ടെന്നുള്ള തീരുമാനത്തിന് ആധാരമെന്നാണ് റിപ്പോർട്ട് ആയത്തുള്ള അലി ഖമനയിയുടെ വധത്തിൽ പ്രതിഷേധിച്ച് നൂറുകണക്കിന് ആളുകൾ കോൺസുലേറ്റിലേക്ക് അതിക്രമിച്ചു കയറാൻ ശ്രമിച്ചിരുന്നു അന്ന് സുരക്ഷാ സേന നടത്തിയ വെടിവയ്പ്പിൽ എട്ട് പ്രതിഷേധക്കാർ കൊല്ലപ്പെട്ടിരുന്നു ഈ സംഭവം യുഎസ് നയതന്ത്ര ഉദ്യോഗസ്ഥർക്കിടയിൽ വലിയ ആശങ്കയുണ്ടാക്കിയിരുന്നു ഖൈബർ പഖ്തൂൺഖ്വ പ്രവിശ്യയുടെ തലസ്ഥാനമായ പെഷവാർ നിലവിൽ തീവ്രവാദ ഭീഷണിയിലാണ് 2026 ന്റെ തുടക്കം മുതൽ പാകിസ്ഥാനും അഫ്ഗാനിസ്ഥാനും തമ്മിലുള്ള ബന്ധം വഷളാവുകയും ഇത് പ്രവിശ്യയിൽ ഒരു തുറന്ന യുദ്ധത്തിന് സമാനമായ സാഹചര്യം സൃഷ്ടിക്കുകയും ചെയ്തിട്ടുണ്ട് തെഹ് രീകെ താലിബാൻ പാകിസ്ഥാൻ ഐസിസ് കെ തുടങ്ങിയ ഭീകര സംഘടനകളുടെ പ്രധാന താവളമായി ഈ മേഖല മാറിയതും അമേരിക്കയെ പിൻമാറ്റത്തിന് പ്രേരിപ്പിച്ചു ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക