• News Desk
• 3 2026-06-19 04:33:04

തിരുവനന്തപുരം സാമ്പത്തികമായി പിന്നോക്കം നിൽക്കുന്ന കുടുംബങ്ങൾക്കും മാരകരോഗങ്ങൾ ബാധിച്ച് ചികിത്സ തേടുന്നവർക്കും കൈത്താങ്ങാകുന്ന പുതിയ പദ്ധതിയുമായി സംസ്ഥാന സർക്കാർ വൺ കേരള കരുതൽ മിഷൻ എന്ന പേരിൽ സാങ്കേതികവിദ്യ അധിഷ്ഠിതമായ സമഗ്ര പ്ലാറ്റ് ഫോം രൂപീകരിക്കുമെന്ന് മുഖ്യമന്ത്രി വി ഡി സതീശൻ ബജറ്റ് പ്രസംഗത്തിൽ പ്രഖ്യാപിച്ചു പദ്ധതിയുടെ പ്രാരംഭ പ്രവർത്തനങ്ങൾക്കായി ഒരു കോടി രൂപ ബജറ്റിൽ വകയിരുത്തിയിട്ടുണ്ട് സാമ്പത്തിക ബുദ്ധിമുട്ടുകൾ മൂലം ചികിത്സയും കുട്ടികളുടെ വിദ്യാഭ്യാസവും മുടങ്ങുന്ന കുടുംബങ്ങൾക്ക് സമയബന്ധിതമായ സഹായം ലഭ്യമാക്കുകയാണ് പദ്ധതിയുടെ പ്രധാന ലക്ഷ്യം സർക്കാർ സംവിധാനങ്ങൾക്ക് പുറമെ സമൂഹത്തിന്റെ പങ്കാളിത്തം ഉറപ്പാക്കി വിവിധ സ്രോതസ്സുകളിൽ നിന്ന് ലഭിക്കുന്ന സഹായങ്ങൾ അർഹരായ ഗുണഭോക്താക്കളിലേക്ക് എത്തിക്കുന്നതിനുള്ള ഏകീകൃത സംവിധാനമായിരിക്കും വൺ കേരള കരുതൽ മിഷൻ സർക്കാർ ഇതര സംഘടനകൾ കോർപ്പറേറ്റ് സോഷ്യൽ റെസ് പോൺസിബിലിറ്റി ഫണ്ടുകൾ സന്നദ്ധ സംഘടനകൾ വ്യക്തികൾ വിവിധ സ്ഥാപനങ്ങൾ എന്നിവയിൽ നിന്ന് ലഭിക്കുന്ന സംഭാവനകൾ സുതാര്യവും വിശ്വാസ്യതയോടെയും വിതരണം ചെയ്യുന്നതിനുള്ള ഡിജിറ്റൽ പ്ലാറ്റ് ഫോമാണ് പദ്ധതിയുടെ പ്രധാന സവിശേഷത ഓരോ സംഭാവനയും യഥാർത്ഥ ഗുണഭോക്താക്കളിലേക്ക് തന്നെ എത്തുന്നുവെന്ന് ഉറപ്പാക്കുന്നതിനായി കർശനമായ പരിശോധനാ സംവിധാനങ്ങളും ഡിജിറ്റൽ വെരിഫിക്കേഷൻ നടപടികളും നടപ്പിലാക്കും സംഭാവന നൽകുന്നവരിൽ കൂടുതൽ വിശ്വാസം വളർത്തുന്നതിനായി ഗുണഭോക്താക്കളുടെ വിവരങ്ങളും സഹായ വിതരണത്തിന്റെ പുരോഗതിയും ഉൾപ്പെടെയുള്ള വിവരങ്ങൾ റിയൽടൈം പബ്ലിക് ഡിസ്ക്ലോഷർ സംവിധാനത്തിലൂടെ പൊതുജനങ്ങൾക്ക് ലഭ്യമാക്കും ഇതുവഴി പദ്ധതിയുടെ പ്രവർത്തനങ്ങളിൽ പൂർണ സുതാര്യത ഉറപ്പാക്കാനാണ് സർക്കാർ ലക്ഷ്യമിടുന്നത് മിഷന്റെ ഭരണപരവും പ്രവർത്തനപരവുമായ എല്ലാ ചെലവുകളും സർക്കാർ നേരിട്ട് വഹിക്കുമെന്നും സംഭാവനയായി ലഭിക്കുന്ന തുകയുടെ മുഴുവൻ വിഹിതവും കാരുണ്യപ്രവർത്തനങ്ങൾക്കും അർഹരായ ഗുണഭോക്താക്കൾക്കുമായി വിനിയോഗിക്കുമെന്നും മുഖ്യമന്ത്രി വ്യക്തമാക്കി ചികിത്സാ സഹായം വിദ്യാഭ്യാസ പിന്തുണ അടിയന്തര സാമ്പത്തിക സഹായം തുടങ്ങിയ മേഖലകളിൽ പദ്ധതി നിർണായക ഇടപെടലായി മാറുമെന്നാണ് സർക്കാർ പ്രതീക്ഷിക്കുന്നത് സാമൂഹിക ഉത്തരവാദിത്വവും ജനപങ്കാളിത്തവും സാങ്കേതികവിദ്യയുടെ സഹായത്തോടെ ഏകോപിപ്പിച്ച് ക്ഷേമപ്രവർത്തനങ്ങൾ കൂടുതൽ ഫലപ്രദമാക്കാനുള്ള സംസ്ഥാന സർക്കാരിന്റെ പുതിയ നീക്കമായാണ് വൺ കേരള കരുതൽ മിഷൻ വിലയിരുത്തപ്പെടുന്നത് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക