• News Desk
• 3 2026-06-19 04:56:18

ചെന്നൈ മുല്ലപ്പെരിയാർ അണക്കെട്ടുമായി ബന്ധപ്പെട്ട വിഷയത്തിൽ കേരളത്തിനെതിരെ കടുത്ത നിലപാട് ആവർത്തിച്ച് തമിഴ് നാട് സർക്കാർ മുല്ലപ്പെരിയാറിൽ പുതിയ അണക്കെട്ട് നിർമിക്കാനുള്ള കേരള സർക്കാരിന്റെ നീക്കം അനുവദിക്കില്ലെന്ന് തമിഴ് നാട്ടിലെ ജോസഫ് വിജയ് സർക്കാരിന്റെ ആദ്യ നയപ്രഖ്യാപനത്തിൽ വ്യക്തമാക്കി തമിഴ് നാടിന്റെ ചുമതലയും വഹിക്കുന്ന കേരള ഗവർണർ രാജേന്ദ്ര ആർലേക്കറാണ് വ്യാഴാഴ്ച നിയമസഭയിൽ നയപ്രഖ്യാപന പ്രസംഗം അവതരിപ്പിച്ചത് തെക്കൻ തമിഴ് നാട്ടിലെ നിരവധി ജില്ലകളുടെ കാർഷിക കുടിവെള്ള ആവശ്യങ്ങൾ നിറവേറ്റുന്ന ജീവാധാരമാണ് മുല്ലപ്പെരിയാർ അണക്കെട്ടെന്നും അതിന്റെ സുരക്ഷയും പ്രവർത്തനക്ഷമതയും ഉറപ്പാക്കാൻ ആവശ്യമായ അറ്റകുറ്റപ്പണികളും ബലപ്പെടുത്തൽ നടപടികളും തുടരുമെന്നും പ്രസംഗത്തിൽ വ്യക്തമാക്കി അണക്കെട്ടിന്റെ ജലനിരപ്പ് ഉയർത്തുന്നതിനും അണക്കെട്ട് കൂടുതൽ ശക്തിപ്പെടുത്തുന്നതിനും നടപടികൾ സ്വീകരിക്കുമെന്നും സർക്കാർ അറിയിച്ചു അതേസമയം നിലവിലെ അണക്കെട്ടിന്റെ സുരക്ഷയെ ചൂണ്ടിക്കാട്ടി പുതിയ അണക്കെട്ട് നിർമിക്കണമെന്ന കേരളത്തിന്റെ ആവശ്യം തമിഴ് നാട് അംഗീകരിക്കില്ലെന്നും അതിനെതിരെ ശക്തമായ നിയമ ഭരണ നടപടികൾ സ്വീകരിക്കുമെന്നും നയപ്രഖ്യാപനത്തിൽ വ്യക്തമാക്കി മുല്ലപ്പെരിയാർ വിഷയത്തിൽ മുൻ തമിഴ് നാട് സർക്കാരുകൾ സ്വീകരിച്ച നിലപാട് തന്നെയാണ് നിലവിലെ സർക്കാരും പിന്തുടരുന്നതെന്ന് നയപ്രഖ്യാപനം വ്യക്തമാക്കുന്നു കൂടാതെ കാവേരി നദിയിൽ മേക്കേദാട്ടു അണക്കെട്ട് നിർമിക്കാനുള്ള കർണാടക സർക്കാരിന്റെ നീക്കത്തെയും ശക്തമായി എതിർക്കുമെന്ന് തമിഴ് നാട് അറിയിച്ചു തെക്കേ ഇന്ത്യയിലെ പ്രധാന നദികളെ പരസ്പരം ബന്ധിപ്പിക്കുന്ന പദ്ധതികൾ നടപ്പാക്കണമെന്ന് കേന്ദ്ര സർക്കാരിനോട് ആവശ്യപ്പെട്ടതായും നയപ്രഖ്യാപനത്തിൽ പറയുന്നു സംസ്ഥാനത്തിന്റെ ജലസുരക്ഷയും കാർഷിക ആവശ്യങ്ങളും സംരക്ഷിക്കുന്നതിനുള്ള നടപടികൾക്ക് സർക്കാർ മുൻഗണന നൽകുമെന്നും പ്രസംഗത്തിൽ വ്യക്തമാക്കിയിട്ടുണ്ട് മുല്ലപ്പെരിയാർ വിഷയത്തിൽ കേരളവും തമിഴ് നാടും തമ്മിലുള്ള ദീർഘകാല തർക്കം തുടരുന്നതിനിടെയാണ് വിജയ് സർക്കാരിന്റെ ആദ്യ നയപ്രഖ്യാപനത്തിൽ ഈ വിഷയത്തിന് പ്രത്യേക പ്രാധാന്യം നൽകിയിരിക്കുന്നത് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക