• News Desk
• 13 2026-06-20 05:40:35

പഴയന്നൂർ വയറുവേദനയെ തുടർന്ന് ചികിത്സ തേടിയ 54 കാരന് രണ്ട് വർഷം മുമ്പ് വൃക്കയിലെ കല്ല് നീക്കുന്നതിനായി നടത്തിയ ശസ്ത്രക്രിയയ്ക്കിടെ ഘടിപ്പിച്ചിരുന്ന ട്യൂബ് സ്റ്റെന്റ് ഇപ്പോഴും ശരീരത്തിനുള്ളിലുണ്ടെന്ന് കണ്ടെത്തിയത് വിവാദമാകുന്നു എളനാട് മരുതംപാടം മഞ്ഞളൂർക്കളം വീട്ടിൽ എ സലീം 54 ആണ് ഗുരുതര ആരോഗ്യപ്രശ്നങ്ങളോടെ വീണ്ടും ചികിത്സ തേടേണ്ടി വന്നത് 2024 ഓഗസ്റ്റ് 10 ന് മുളങ്കുന്നത്തുകാവ് മെഡിക്കൽ കോളേജ് ആശുപത്രിയിലെ യൂറോളജി വിഭാഗത്തിൽ വച്ച് സലീമിന് വൃക്കയിലെ കല്ല് നീക്കം ചെയ്യുന്നതിനായി ശസ്ത്രക്രിയ നടത്തിയിരുന്നു ശസ്ത്രക്രിയയ്ക്ക് ശേഷം നാല് ദിവസത്തിനകം ആശുപത്രിയിൽ നിന്ന് ഡിസ്ചാർജ് ചെയ്തതായും പിന്നീട് തുന്നൽ നീക്കിയതായും സലീം പറയുന്നു ഒരു മാസം കഴിഞ്ഞ് ജോലിക്ക് പോകാമെന്ന് ഡോക്ടർമാർ അറിയിച്ചെങ്കിലും തുടർചികിത്സയ്ക്കോ സ്റ്റെന്റ് നീക്കം ചെയ്യുന്നതിനോ ആശുപത്രിയിൽ വീണ്ടും എത്തണമെന്ന നിർദേശം ലഭിച്ചിരുന്നില്ലെന്നാണ് അദ്ദേഹത്തിന്റെ ആരോപണം ശസ്ത്രക്രിയയ്ക്കുശേഷം ഇടയ്ക്കിടെ വയറുവേദന അസ്വസ്ഥത മൂത്രത്തിൽ രക്തത്തിന്റെ സാന്നിധ്യം തുടങ്ങിയ പ്രശ്നങ്ങൾ അനുഭവപ്പെട്ടിരുന്നെങ്കിലും വിവിധ ആശുപത്രികളിൽ ചികിത്സ തേടി മരുന്നുകൾ കഴിക്കുകയായിരുന്നു എന്നാൽ ആരോഗ്യപ്രശ്നങ്ങൾ തുടരുകയും വേദന ശക്തമാകുകയും ചെയ്തതോടെ കഴിഞ്ഞ ഏപ്രിൽ 29 ന് വീണ്ടും മെഡിക്കൽ കോളേജ് ആശുപത്രിയിൽ പരിശോധനയ്ക്കെത്തി തുടർന്ന് നടത്തിയ സ്കാനിംഗിലും എക് സ് റേ പരിശോധനയിലുമാണ് ഇടത് വൃക്ക മുതൽ മൂത്രസഞ്ചി വരെ നീളുന്ന സ്റ്റെന്റ് ഇപ്പോഴും ശരീരത്തിനുള്ളിലുണ്ടെന്ന് കണ്ടെത്തിയത് സാധാരണയായി ഇത്തരം ട്യൂബുകൾ മൂന്ന് മാസത്തിനകം നീക്കം ചെയ്യേണ്ടതാണെന്ന് വിദഗ്ധർ വ്യക്തമാക്കുന്നു ട്യൂബ് ദീർഘകാലം ശരീരത്തിൽ തുടരുന്നത് ഗുരുതര ആരോഗ്യപ്രശ്നങ്ങൾക്ക് കാരണമാകാമെന്നതിനാൽ ഉടൻ ശസ്ത്രക്രിയ നടത്തി നീക്കം ചെയ്യണമെന്ന് ഡോക്ടർമാർ നിർദേശിച്ചിട്ടുണ്ട് അതേസമയം ശസ്ത്രക്രിയയ്ക്ക് ശേഷം തുന്നൽ അഴിച്ച സലീം ഏകദേശം 20 മാസത്തിന് ശേഷമാണ് വീണ്ടും മെഡിക്കൽ കോളേജ് ആശുപത്രിയിലെത്തിയതെന്നും രോഗിക്ക് തുടർപരിശോധനയുടെ പ്രാധാന്യം അറിയിച്ചിരുന്നുവെന്നുമാണ് ആശുപത്രി വൃത്തങ്ങൾ വിശദീകരിക്കുന്നത് സംഭവത്തെ ചൊല്ലി രോഗിയുടെയും ആശുപത്രിയുടെയും വാദങ്ങൾ തമ്മിൽ ഭിന്നത നിലനിൽക്കുകയാണ് രോഗിയുടെ ആരോഗ്യനിലയും ചികിത്സാ നടപടികളും സംബന്ധിച്ച് കൂടുതൽ പരിശോധനകൾ തുടരുകയാണ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക