• News Desk
• 6 2026-06-20 05:01:14

ന്യൂഡൽഹി രാജ്യസഭാ തിരഞ്ഞെടുപ്പിൽ ഝാർഖണ്ഡിൽ കോൺഗ്രസിന് നേരിട്ട അപ്രതീക്ഷിത തോൽവി ഇന്ത്യ സഖ്യത്തിനുള്ളിലെ ഭിന്നതകൾ വീണ്ടും ചർച്ചയാകുന്നു ഡൽഹിയിൽ അടുത്തിടെ ചേർന്ന സഖ്യനേതാക്കളുടെ യോഗത്തിൽ ഐക്യം ശക്തിപ്പെടുത്തുമെന്ന് പ്രഖ്യാപിച്ചതിന് ദിവസങ്ങൾക്കുള്ളിലാണ് കോൺഗ്രസിന് നിർണായക സീറ്റിൽ തിരിച്ചടി നേരിട്ടത് കോൺഗ്രസ് അധ്യക്ഷൻ മല്ലികാർജുൻ ഖാർഗെയുടെ ഓഫീസിലെ കമ്യൂണിക്കേഷൻ വിഭാഗം മേധാവിയും എ ഐ സി സി സെക്രട്ടറിയുമായ പ്രണവ് ഝായാണ് തിരഞ്ഞെടുപ്പിൽ പരാജയപ്പെട്ടത് കണക്കുകൾ പ്രകാരം കോൺഗ്രസിന് വിജയസാധ്യതയുണ്ടായിരുന്ന സീറ്റാണ് നഷ്ടമായത് ഇതിന് പിന്നിൽ ഇന്ത്യ സഖ്യത്തിലെ ചില കക്ഷികളുടെ വോട്ടുമാറ്റമാണ് കാരണമെന്ന് കോൺഗ്രസ് നേതൃത്വം വിലയിരുത്തുന്നു ഝാർഖണ്ഡ് നിയമസഭയിൽ ഇന്ത്യ മുന്നണിക്ക് ആകെ 56 അംഗങ്ങളാണുള്ളത് ജെ എം എം 34 കോൺഗ്രസ് 16 ആർ ജെ ഡി 4 സി പി ഐ എം എൽ 2 എന്നിങ്ങനെയാണ് അംഗബലം ഈ കണക്കുപ്രകാരം ജെ എം എം യും കോൺഗ്രസും ഓരോ രാജ്യസഭാ സീറ്റുകൾ വീതം എളുപ്പത്തിൽ നേടാമായിരുന്നു എന്നാൽ ജെ എം എം സ്ഥാനാർഥി ബൈദ്യനാഥ് റാമിന് 30 വോട്ടും കോൺഗ്രസ് സ്ഥാനാർഥി പ്രണവ് ഝായ്ക്ക് 20 വോട്ടുമാണ് ലഭിച്ചത് അതേസമയം 24 അംഗങ്ങൾ മാത്രമുള്ള എൻ ഡി എ മുന്നണിയുടെ സ്ഥാനാർഥി പരിമൾ നഠ് വാനി 28 വോട്ടുകൾ നേടി വിജയിക്കുകയായിരുന്നു ഇന്ത്യ മുന്നണിയിലെ ചില വോട്ടുകൾ എൻ ഡി എ സ്ഥാനാർഥിക്ക് ലഭിച്ചെന്ന സംശയമാണ് ഇതോടെ ശക്തമായത് കോൺഗ്രസിന്റെ ആരോപണങ്ങളെ ആർ ജെ ഡിയും സി പി ഐ എം എല്ലും തള്ളിക്കളഞ്ഞു സി പി ഐ എം എൽ നേതാവ് ദീപാങ്കർ ഭട്ടാചാര്യ കോൺഗ്രസ് അധ്യക്ഷൻ ഖാർഗെയ്ക്ക് പ്രതിഷേധക്കത്തും അയച്ചു രഹസ്യ വോട്ടെടുപ്പായതിനാൽ വോട്ടുമാറ്റത്തിന്റെ യഥാർത്ഥ ചിത്രം വ്യക്തമല്ലെങ്കിലും സഖ്യകക്ഷികളിലെ ചിലരുടെ പിന്തുണ കോൺഗ്രസിന് ലഭിച്ചില്ലെന്നാണ് രാഷ്ട്രീയ വിലയിരുത്തൽ സഖ്യത്തിലെ ഏകോപനക്കുറവും കോൺഗ്രസിന്റെ സംഘടനാപരമായ പിഴവുകളും തോൽവിക്ക് കാരണമായതായി ചൂണ്ടിക്കാണിക്കപ്പെടുന്നു പ്രണവ് ഝായുടെ വിജയം ഉറപ്പാക്കാൻ മുതിർന്ന നേതാക്കളായ ഭൂപേഷ് ബഘേലിനെയും അജയ് ശർമയെയും കോൺഗ്രസ് നേതൃത്വം പ്രത്യേകമായി ഝാർഖണ്ഡിലേക്ക് അയച്ചിരുന്നു എന്നാൽ ഈ നീക്കങ്ങളും ഫലം കണ്ടില്ല അതിനിടെ മധ്യപ്രദേശിൽ കോൺഗ്രസ് നേതാവ് മീനാക്ഷി നടരാജന്റെ നാമനിർദേശ പത്രിക തള്ളപ്പെട്ട സംഭവവും ദേശീയ നേതൃത്വത്തിന്റെ വീഴ്ചയായി ചൂണ്ടിക്കാണിക്കപ്പെടുന്നു രാജ്യസഭാ തിരഞ്ഞെടുപ്പിലെ ഈ തിരിച്ചടി ഇന്ത്യ സഖ്യത്തിന്റെ ഐക്യത്തെക്കുറിച്ചുള്ള ചോദ്യങ്ങൾ വീണ്ടും ഉയർത്തിയിരിക്കുകയാണ് വരാനിരിക്കുന്ന തിരഞ്ഞെടുപ്പുകളെ മുന്നിൽ കണ്ടുകൊണ്ട് സഖ്യത്തിനുള്ളിലെ ഭിന്നതകൾ പരിഹരിക്കേണ്ടത് കോൺഗ്രസിനും സഖ്യനേതൃത്വത്തിനും വലിയ വെല്ലുവിളിയായിരിക്കുമെന്ന് രാഷ്ട്രീയ നിരീക്ഷകർ വിലയിരുത്തുന്നു ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക