• News Desk
• 10 2026-06-20 05:04:37

ലണ്ടൻ ബ്രിട്ടനിലെ ബെഡ് ഫോർഡിൽ രണ്ട് ട്രെയിനുകൾ കൂട്ടിയിടിച്ചുണ്ടായ വൻ അപകടത്തിൽ ഒരാൾ മരിച്ചു അപകടത്തിൽപ്പെട്ട ട്രെയിനുകളിലൊന്നിന്റെ ഡ്രൈവറാണ് മരിച്ചതെന്ന് നാഷണൽ യൂണിയൻ ഓഫ് റെയിൽ മാരിടൈം ആൻഡ് ട്രാൻസ്പോർട്ട് വർക്കേഴ്സ് സ്ഥിരീകരിച്ചു അപകടത്തിൽ നൂറോളം പേർക്ക് പരിക്കേറ്റതായും അധികൃതർ അറിയിച്ചു വെള്ളിയാഴ്ച വൈകുന്നേരമാണ് അപകടമുണ്ടായത് കോർബിയിൽ നിന്നും നോട്ടിംഗ്ഹാമിൽ നിന്നുമായി ലണ്ടനിലെ സെന്റ് പാൻക്രാസ് സ്റ്റേഷനിലേക്ക് സർവീസ് നടത്തിയിരുന്ന ട്രെയിനുകളാണ് കൂട്ടിയിടിച്ചതെന്ന് ഈസ്റ്റ് മിഡ്ലാൻഡ്സ് റെയിൽവേ വ്യക്തമാക്കി അപകടത്തിന്റെ കാരണം സംബന്ധിച്ച് അന്വേഷണം ആരംഭിച്ചിട്ടുണ്ട് ഈസ്റ്റ് ഓഫ് ഇംഗ്ലണ്ട് ആംബുലൻസ് സർവീസിന്റെ റിപ്പോർട്ട് പ്രകാരം 11 പേർക്ക് അതിഗുരുതര പരിക്കുകളുണ്ട് കൂടാതെ 22 പേർക്ക് ഗുരുതര പരിക്കുകളും 56 പേർക്ക് നിസാര പരിക്കുകളും സംഭവിച്ചിട്ടുണ്ട് നിരവധി പേരെ സമീപത്തെ ആശുപത്രികളിലേക്ക് മാറ്റി ചികിത്സ നൽകുകയാണ് അപകടസമയത്ത് പിന്നിലെ ട്രെയിനിലുണ്ടായിരുന്ന യാത്രക്കാരനായ പീറ്റർ നാപ്പ് സംഭവത്തിന്റെ ഭീകരത വിവരിച്ചു അപ്രതീക്ഷിതമായ ആഘാതത്തിൽ താൻ മുന്നിലെ സീറ്റിലേക്ക് തെറിച്ചുവീണുവെന്നും തുടർന്ന് പുകയും യാത്രക്കാരുടെ നിലവിളികളും കേട്ടുവെന്നും അദ്ദേഹം പറഞ്ഞു സംസാരിക്കാൻ പോലും കഴിയാത്ത നിലയിലുള്ളവരെയും കൈകാലുകൾ ഒടിഞ്ഞവരെയും കണ്ടതായി അദ്ദേഹം മാധ്യമങ്ങളോട് വെളിപ്പെടുത്തി അപകടത്തിന് പിന്നാലെ രക്ഷാപ്രവർത്തകർ അതിവേഗം സ്ഥലത്തെത്തി യാത്രക്കാരെ സുരക്ഷിതമായി പുറത്തേക്കെത്തിച്ചു റെയിൽവേ ട്രാക്കിന് സമീപമുള്ള റോഡുകളിൽ പരിക്കേറ്റ യാത്രക്കാരെ ഇരുത്തി പ്രാഥമിക ചികിത്സ നൽകുന്ന ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിക്കുന്നുണ്ട് സംഭവത്തെ തുടർന്ന് ലണ്ടനിലെ സെന്റ് പാൻക്രാസ് സ്റ്റേഷനിലേക്കും തിരിച്ചുമുള്ള എല്ലാ ട്രെയിൻ സർവീസുകളും വെള്ളിയാഴ്ച റദ്ദാക്കി ശനിയാഴ്ചത്തെ സർവീസുകളുടെ കാര്യത്തിൽ ഇതുവരെ അന്തിമ തീരുമാനമെടുത്തിട്ടില്ലെന്ന് റെയിൽവേ അധികൃതർ അറിയിച്ചു അപകടത്തിൽ മരിച്ച ഡ്രൈവറുടെ കുടുംബത്തോടും പരിക്കേറ്റവരോടും അനുശോചനം രേഖപ്പെടുത്തിയ ആർ എം ടി യൂണിയൻ റെയിൽവേ ജീവനക്കാരുടെയും യാത്രക്കാരുടെയും സുരക്ഷ സംബന്ധിച്ച് ഗൗരവമായ ആശങ്ക പ്രകടിപ്പിച്ചു അപകടത്തിന്റെ യഥാർത്ഥ കാരണം കണ്ടെത്താൻ വിശദമായ അന്വേഷണം പുരോഗമിക്കുകയാണെന്നും അധികൃതർ അറിയിച്ചു ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക