• News Desk
• 4 2026-06-23 05:05:59

മഴക്കാലത്ത് ഹോട്ടലുകളിലും ഭക്ഷ്യസ്ഥാപനങ്ങളിലും ശുചിത്വക്കുറവും ഭക്ഷ്യസുരക്ഷാ ലംഘനങ്ങളും വർധിക്കുന്ന സാഹചര്യത്തിൽ ആരോഗ്യവകുപ്പ് നടത്തിയ പരിശോധനയിൽ ഗുരുതര വീഴ്ചകൾ കണ്ടെത്തി നാദാപുരം സർക്കിൾ പരിധിയിലെ കല്ലാച്ചിയിൽ നടത്തിയ പരിശോധനയ്ക്ക് നേതൃത്വം നൽകിയ ആരോഗ്യ വകുപ്പ് ഉദ്യോഗസ്ഥ ഡോ അനുശ്രീ സമൂഹമാധ്യമത്തിൽ പങ്കുവെച്ച കുറിപ്പാണ് ഇപ്പോൾ ശ്രദ്ധനേടുന്നത് പരിശോധനയ്ക്കിടെ ചില സ്ഥാപനങ്ങളിൽ ഭക്ഷണശാലകളേക്കാൾ കൂടുതൽ ഈച്ചകളുടെ സാന്നിധ്യമുണ്ടായിരുന്നുവെന്നാണ് ഉദ്യോഗസ്ഥയുടെ നിരീക്ഷണം മഴക്കാലത്ത് ഈച്ചകളുടെ എണ്ണം വർധിക്കുന്നത് സ്വാഭാവികമാണെങ്കിലും ശുചിത്വ മാനദണ്ഡങ്ങളും പെസ്റ്റ് മാനേജ്മെന്റ് സംവിധാനങ്ങളും കൃത്യമായി പാലിച്ചാൽ ഇത്തരം പ്രശ്നങ്ങൾ വലിയ തോതിൽ നിയന്ത്രിക്കാനാകുമെന്ന് അവർ ചൂണ്ടിക്കാട്ടി മഴയായതുകൊണ്ടാണ് എന്ന വിശദീകരണം മാത്രം അംഗീകരിക്കാനാകില്ലെന്നും സാഹചര്യം തുടർന്നാൽ സ്ഥാപനങ്ങൾ അടച്ചുപൂട്ടേണ്ടി വരാമെന്നും മുന്നറിയിപ്പ് നൽകി പരിശോധനയിൽ കണ്ടെത്തിയ മറ്റൊരു ഗുരുതര വിഷയം ഭക്ഷണങ്ങളിൽ അമിതമായി ഉപയോഗിച്ചിരുന്ന കൃത്രിമ നിറങ്ങളാണ് പ്രത്യേകിച്ച് പാകം ചെയ്ത ചിക്കൻ വിഭവങ്ങളിൽ ആരോഗ്യത്തിന് ഹാനികരമായ സിന്തറ്റിക് നിറങ്ങൾ ഉപയോഗിച്ചതായി കണ്ടെത്തി ഇത്തരം നിറങ്ങൾ ഭക്ഷണത്തിന് ആകർഷകത്വം നൽകുമെങ്കിലും ശരീരത്തിന് യാതൊരു ഗുണവും നൽകുന്നില്ലെന്നും ആരോഗ്യപ്രശ്നങ്ങൾക്ക് കാരണമാകാമെന്നും അധികൃതർ വ്യക്തമാക്കി ഇതിനൊപ്പം പലതവണ ചൂടാക്കി വീണ്ടും വീണ്ടും ഉപയോഗിച്ച പാചക എണ്ണയും പരിശോധനയിൽ കണ്ടെത്തി കൃത്രിമ നിറങ്ങൾ കലർന്ന ഭക്ഷണങ്ങൾ അതേ എണ്ണയിൽ വീണ്ടും പൊരിക്കുമ്പോൾ എണ്ണയുടെ നിറം തന്നെ അസ്വാഭാവികമായി മാറുന്നതായും ഇത് ആരോഗ്യത്തിന് വലിയ ഭീഷണിയാണെന്നും ഉദ്യോഗസ്ഥർ മുന്നറിയിപ്പ് നൽകി ഫ്രോസൺ ചിക്കന്റെ തെറ്റായ സംഭരണവും പരിശോധനയിൽ കണ്ടെത്തിയ പ്രധാന വീഴ്ചകളിലൊന്നാണ് സുരക്ഷിതമായി ഉപയോഗിക്കേണ്ട ഫ്രോസൺ ചിക്കൻ 18 ഡിഗ്രി സെൽഷ്യസ് താപനിലയിൽ സൂക്ഷിക്കണമെന്ന നിർദേശം പാലിക്കാതിരുന്നതും കാലാവധി കഴിഞ്ഞ ഉൽപ്പന്നങ്ങൾ ഉപയോഗത്തിനായി സൂക്ഷിച്ചിരുന്നതും കണ്ടെത്തി ഇതിന്റെ ഭാഗമായി ഒരു സ്ഥാപനത്തിൽ നിന്ന് 36 കിലോഗ്രാം കാലാവധി കഴിഞ്ഞ ഫ്രോസൺ ചിക്കൻ പിടിച്ചെടുത്ത് നശിപ്പിച്ചു പരിശോധനയിൽ ഭക്ഷ്യസുരക്ഷാ മാനദണ്ഡങ്ങൾ ലംഘിച്ചതായി കണ്ടെത്തിയ സ്ഥാപനങ്ങൾക്കെതിരെ നിയമനടപടികൾ സ്വീകരിച്ചതായി ആരോഗ്യവകുപ്പ് അറിയിച്ചു എല്ലാ വ്യാപാരികളും ഭക്ഷ്യസുരക്ഷാ നിയമങ്ങൾ കർശനമായി പാലിക്കണമെന്നും പൊതുജനാരോഗ്യത്തെ ബാധിക്കുന്ന വീഴ്ചകൾക്കെതിരെ ശക്തമായ നടപടി തുടരുമെന്നും അധികൃതർ വ്യക്തമാക്കി ഇന്നത്തെ മുന്നറിയിപ്പ് നാളത്തെ നടപടിയുടെ തുടക്കമാണ് എന്ന മുന്നറിയിപ്പോടെയാണ് ഡോ അനുശ്രീ തന്റെ കുറിപ്പ് അവസാനിപ്പിച്ചത് മഴക്കാലത്ത് ഭക്ഷണശാലകളിലെ ശുചിത്വവും ഭക്ഷ്യസുരക്ഷയും ഉറപ്പാക്കേണ്ടതിന്റെ ആവശ്യകതയാണ് ഈ പരിശോധന വീണ്ടും ഓർമ്മിപ്പിക്കുന്നത് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക