• News Desk
• 5 2026-06-27 05:43:58

തിരുവനന്തപുരം സംസ്ഥാനത്തെ പ്രധാന ഗതാഗത പാതയായ എം സി റോഡിലൂടെ അമിതഭാരം കയറ്റിയ തടി ലോറികളും മണ്ണ് കയറ്റിയ ടിപ്പർ ലോറികളും തടസ്സമില്ലാതെ സഞ്ചരിക്കാൻ മോട്ടോർ വാഹന വകുപ്പ് ഉദ്യോഗസ്ഥർക്കിടയിൽ സംഘടിത കൈക്കൂലി ശൃംഖല പ്രവർത്തിക്കുന്നുവെന്ന ഗുരുതര ആരോപണങ്ങൾ വാഹന പരിശോധനയ്ക്ക് നിയോഗിക്കപ്പെട്ടിരിക്കുന്ന ചില വെഹിക്കിൾ ഇൻസ് പെക്ടർമാർക്ക് പരിശോധന ഒഴിവാക്കി വാഹനങ്ങൾ കടത്തിവിടുന്നതിനായി പ്രതിമാസം ഒരു ലക്ഷം രൂപവരെ കൈക്കൂലി ലഭിക്കുന്നുവെന്നാണ് പുറത്തുവരുന്ന വിവരങ്ങൾ അമിതഭാരവുമായി സ്ഥിരമായി സർവീസ് നടത്തുന്ന വാഹനങ്ങളുടെ പട്ടിക തയ്യാറാക്കിയ ശേഷമാണ് മാസപ്പടി ഈടാക്കുന്നതെന്നാണ് ആരോപണം പണം ശേഖരിക്കുന്നതിന് ഓരോ എൻഫോഴ് സ് മെന്റ് സ്ക്വാഡിനും പ്രത്യേക ഇടനിലക്കാരുണ്ടെന്നും റിപ്പോർട്ടുകളുണ്ട് ഇതുവഴി പരിശോധനകളിൽ നിന്ന് വാഹനങ്ങൾക്ക് സംരക്ഷണം ലഭിക്കുന്നതായും ആരോപണം ഉയരുന്നു നിയമപ്രകാരം കുറഞ്ഞത് അരലക്ഷം രൂപയോളം പിഴ ചുമത്താൻ കഴിയുന്നത്ര അമിതഭാരവുമായാണ് പല ലോറികളും ദിവസേന നിരത്തിലിറങ്ങുന്നതെന്ന് ആരോപിക്കപ്പെടുന്നു എന്നാൽ പരിശോധനകൾ നടക്കുന്നതായി കാണിക്കാൻ മാസത്തിൽ ഒരിക്കൽ മാത്രം ചില വാഹനങ്ങൾക്ക് പിഴ ചുമത്തുന്ന രീതിയാണ് പിന്തുടരുന്നതെന്നും വിവരമുണ്ട് സർക്കാർ നിശ്ചയിച്ച പ്രതിമാസ പിഴ ലക്ഷ്യം പൂർത്തിയാക്കുന്നതിനായാണ് ഇത്തരം പരിശോധനകളെന്നാണ് ആരോപണം അതേസമയം കൈക്കൂലി സ്വീകരിക്കാത്ത ഉദ്യോഗസ്ഥർക്കും വലിയ സമ്മർദ്ദം നേരിടേണ്ടിവരുന്നതായാണ് റിപ്പോർട്ടുകൾ മാസപ്പടി നൽകിയ വാഹനങ്ങൾ പിടികൂടി പിഴ ചുമത്തിയാൽ ബന്ധപ്പെട്ട ഉദ്യോഗസ്ഥർക്കെതിരെ വിജിലൻസിലും വകുപ്പ് മേധാവികൾക്കും പരാതി എത്തിക്കുന്ന രീതിയാണ് പിന്തുടരുന്നതെന്ന് ആരോപണമുണ്ട് ചില ഉദ്യോഗസ്ഥരെ ഭീഷണിപ്പെടുത്തിയും ഒത്തുകളിക്ക് നിർബന്ധിതരാക്കുന്ന സാഹചര്യമുണ്ടെന്നും റിപ്പോർട്ടിൽ പറയുന്നു മണ്ണ് തടി ലോറി ഉടമകൾക്ക് രാഷ്ട്രീയ പിന്തുണ ലഭിക്കുന്നതും നിയമനടപടികൾക്ക് തടസ്സമാകുന്നതായും ആരോപണമുണ്ട് അമിതഭാരവുമായി സഞ്ചരിക്കുന്ന ടിപ്പർ ലോറികൾക്കെതിരെ എല്ലായ്പ്പോഴും പിഴ ചുമത്തേണ്ടതില്ലെന്ന നിർദേശം നൽകിയ ഒരു രാഷ്ട്രീയ നേതാവിന്റെ പഴയ വീഡിയോ വീണ്ടും സമൂഹമാധ്യമങ്ങളിൽ ചർച്ചയാകുന്ന സാഹചര്യവും നിലവിലുണ്ട് കൊല്ലം ജില്ലയിൽ പ്രവർത്തിച്ചിരുന്ന ഒരു അസിസ്റ്റന്റ് വെഹിക്കിൾ ഇൻസ് പെക്ടർ മാസപ്പടി ശൃംഖല ആസൂത്രിതമായി നടപ്പാക്കിയെന്നാണ് റിപ്പോർട്ടിലുള്ള മറ്റൊരു ഗുരുതര ആരോപണം പിന്നീട് മറ്റൊരു കേസിൽ സസ് പെൻഷനിലായ ഈ ഉദ്യോഗസ്ഥൻ രൂപപ്പെടുത്തിയ രീതിയാണ് സംസ്ഥാനത്തെ മറ്റ് എൻഫോഴ് സ് മെന്റ് സ്ക്വാഡുകളും പിന്തുടർന്നതെന്നാണ് ആരോപണം തമിഴ്നാട്ടിൽ നിന്നുള്ള ലോറികളിൽ നിന്നുപോലും കൈക്കൂലി ഈടാക്കിയെന്ന വിവാദത്തെ തുടർന്നാണ് അദ്ദേഹത്തെ സ്ഥലംമാറ്റിയതെന്നും പ്രതിമാസം രണ്ടരലക്ഷം രൂപവരെ കൈക്കൂലി വാങ്ങിയിരുന്നുവെന്നുമാണ് റിപ്പോർട്ടിലുള്ള ആരോപണം ഇതിനിടെ വാഹനങ്ങളുടെ ഫിറ്റ് നസ് സർട്ടിഫിക്കറ്റ് നൽകുന്നതിലും വ്യാപക ക്രമക്കേടുകൾ നടന്നതായി ആഭ്യന്തര വിജിലൻസ് അന്വേഷണത്തിൽ കണ്ടെത്തിയിട്ടുണ്ട് ബസുകളും ടിപ്പറുകളും ഉൾപ്പെടെ 512 വാഹനങ്ങൾക്ക് ആവശ്യമായ പരിശോധനകൾ നടത്താതെയാണ് ഫിറ്റ് നസ് സർട്ടിഫിക്കറ്റ് നൽകിയതെന്നാണ് അന്വേഷണ റിപ്പോർട്ടിലെ കണ്ടെത്തൽ എന്നാൽ ഇത്രയും ഗുരുതരമായ കണ്ടെത്തൽ ഉണ്ടായിട്ടും വാഹനങ്ങളുടെ ഫിറ്റ് നസ് സർട്ടിഫിക്കറ്റുകൾ റദ്ദാക്കുകയോ എല്ലാ ഉത്തരവാദികൾക്കെതിരെയും കർശന നടപടി സ്വീകരിക്കുകയോ ചെയ്തിട്ടില്ലെന്നാണ് വിമർശനം കൊല്ലം ആർ ടി ഓഫീസിൽ നിന്നാണ് ഇത്തരം ക്രമക്കേടുകളിലൂടെ നിരവധി വാഹനങ്ങൾക്ക് ഫിറ്റ് നസ് സർട്ടിഫിക്കറ്റ് ലഭിച്ചതെന്നാണ് ആഭ്യന്തര വിജിലൻസ് റിപ്പോർട്ട് കൊട്ടാരക്കരയിൽ മൂന്ന് പേരുടെ മരണത്തിനിടയാക്കിയ ടിപ്പർ ഉൾപ്പെടെ നിരവധി വാഹനങ്ങൾ ഇതേ രീതിയിലാണ് ഫിറ്റ് നസ് നേടിയതെന്നും റിപ്പോർട്ടിൽ പറയുന്നു അന്വേഷണത്തിൽ കുറ്റക്കാരെന്ന് കണ്ടെത്തിയ എട്ട് ഉദ്യോഗസ്ഥരിൽ രണ്ടുപേർക്കെതിരെ മാത്രമാണ് നടപടി സ്വീകരിച്ചതെന്നും വിവരമുണ്ട് സംഭവം പൊതുജന സുരക്ഷയുമായി നേരിട്ട് ബന്ധപ്പെട്ട വിഷയമായതിനാൽ എല്ലാ ഹെവി വാഹനങ്ങളുടെയും ഫിറ്റ് നസ് സർട്ടിഫിക്കറ്റുകൾ പുനഃപരിശോധിക്കണമെന്ന ആവശ്യവും ശക്തമാകുകയാണ് ആരോപണങ്ങൾ സംബന്ധിച്ച് ഔദ്യോഗിക അന്വേഷണം പുരോഗമിക്കുകയാണെങ്കിൽ മാത്രമേ യാഥാർഥ്യവും ഉത്തരവാദിത്വവും സംബന്ധിച്ച അന്തിമ ചിത്രം വ്യക്തമാകൂ ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക