• News Desk
• 2 2026-06-30 05:04:16

കൊച്ചി കേരളത്തിൽ സ്വർണവില റെക്കോർഡ് വേഗത്തിൽ ഇടിയുന്നു രാജ്യാന്തര വിപണിയിലെ കനത്ത വിലത്തകർച്ചയുടെ പ്രതിഫലനമായാണ് സംസ്ഥാനത്തും വില കുത്തനെ താഴ്ന്നത് ഇന്ന് ഗ്രാമിന് 165 രൂപ കുറഞ്ഞ് 12 845 രൂപയായപ്പോൾ ഒരു പവൻ സ്വർണത്തിന്റെ വില 1 320 രൂപ ഇടിഞ്ഞ് 1 02 760 രൂപയിലെത്തി കഴിഞ്ഞ രണ്ടു ദിവസത്തിനിടെ മാത്രം പവന് 2 800 രൂപയുടെ ഇടിവാണ് രേഖപ്പെടുത്തിയത് നിലവിലെ ട്രെൻഡ് ഏതാനും ദിവസങ്ങൾ കൂടി തുടർന്നാൽ പവൻവില ഒരു ലക്ഷം രൂപയ്ക്ക് താഴെയെത്താൻ സാധ്യതയുണ്ടെന്നാണ് വിപണി വിലയിരുത്തൽ ചില സ്വർണവ്യാപാരികൾ വില 85 000 90 000 രൂപ വരെ താഴാനിടയുണ്ടെന്നും ചൂണ്ടിക്കാട്ടുന്നു രാജ്യാന്തര വിപണിയിലെ സമ്മർദം സ്വർണവിലയിലെ ഇടിവിന് പ്രധാന കാരണം രാജ്യാന്തര സാമ്പത്തിക സാഹചര്യങ്ങളാണ് യുഎസ് ഇറാൻ സംഘർഷം തുടരുന്നതിനിടെ ആഗോള പണപ്പെരുപ്പ ആശങ്ക ഉയർന്നിട്ടുണ്ട് ഇതോടെ യുഎസ് ഫെഡറൽ റിസർവ് ഈ വർഷം വീണ്ടും അടിസ്ഥാന പലിശനിരക്ക് ഉയർത്തുമെന്ന പ്രതീക്ഷ ശക്തമായി പലിശനിരക്ക് ഉയരുമെന്ന സൂചനയോടെ ഡോളറിന്റെ മൂല്യം ശക്തിപ്പെട്ടതും സ്വർണവിലയെ പ്രതികൂലമായി ബാധിച്ചു ഡോളർ ശക്തമാകുമ്പോൾ മറ്റ് രാജ്യങ്ങൾക്ക് സ്വർണം വാങ്ങുന്നതിനുള്ള ചെലവ് വർധിക്കുകയും ഉയർന്ന പലിശ ലഭിക്കുന്ന നിക്ഷേപങ്ങളിലേക്ക് നിക്ഷേപകർ മാറുകയും ചെയ്യുന്നതാണ് സ്വർണത്തിനുള്ള ആവശ്യകത കുറയാൻ കാരണമായത് ഔൺസ് വില 4 000 ഡോളറിന് താഴെ രാജ്യാന്തര വിപണിയിൽ ഇന്നലെ ഔൺസിന് 4 017 60 ഡോളറിൽ ക്ലോസ് ചെയ്ത സ്വർണം ഇന്ന് ഏകദേശം മൂന്ന് ശതമാനം ഇടിഞ്ഞു ഒരു ഘട്ടത്തിൽ വില 3 948 ഡോളർ വരെ താഴ്ന്നെങ്കിലും പിന്നീട് 3 969 ഡോളർ വരെ തിരിച്ചുകയറി തുടർച്ചയായ രണ്ടാം ആഴ്ചയാണ് സ്വർണം 4 000 ഡോളറിന് താഴെയെത്തുന്നത് 2008 ഒക്ടോബറിന് ശേഷമുള്ള ഏറ്റവും വലിയ പ്രതിമാസ ഇടിവിലേക്കാണ് സ്വർണവില നീങ്ങുന്നതെന്നാണ് വിലയിരുത്തൽ കൂടാതെ 2013ന് ശേഷമുള്ള ഏറ്റവും വലിയ ത്രൈമാസ ഇടിവും സ്വർണത്തിന് നേരിടേണ്ടിവരുമെന്നാണു സാമ്പത്തിക വിദഗ്ധരുടെ മുന്നറിയിപ്പ് ഇപ്പോൾ സ്വർണം വാങ്ങണോ വില കുത്തനെ ഇടിഞ്ഞതോടെ സ്വർണം വാങ്ങാൻ ഇതാണോ ഏറ്റവും അനുയോജ്യമായ സമയം എന്ന ചോദ്യമാണ് വിപണിയിൽ ഉയരുന്നത് അടുത്ത ദിവസങ്ങളിൽ പുറത്തുവരുന്ന യുഎസ് തൊഴിൽ കണക്കുകളാകും സ്വർണവിലയുടെ തുടർദിശ നിർണയിക്കുകയെന്ന് വിദഗ്ധർ പറയുന്നു പണപ്പെരുപ്പ ഭീഷണി കുറയുകയാണെങ്കിൽ സ്വർണം വീണ്ടും ഔൺസിന് 4 150 ഡോളർ നിലവാരത്തിലേക്ക് ഉയരാൻ സാധ്യതയുണ്ടെന്നാണ് വിലയിരുത്തൽ മറിച്ച് സാമ്പത്തിക സമ്മർദങ്ങൾ തുടർന്നാൽ വില ഇനിയും താഴെയിറങ്ങാനും സാധ്യതയുണ്ട് അതിനാൽ വലിയ തോതിൽ സ്വർണ നിക്ഷേപങ്ങളിലേക്ക് തിരക്കിട്ട് നീങ്ങരുതെന്നും വിദഗ്ധർ മുന്നറിയിപ്പ് നൽകുന്നു സ്വർണം വിറ്റ് പണമാക്കാൻ തിരക്ക് വില വീണ്ടും ഇടിയുമെന്ന ആശങ്കയിൽ ഇന്ത്യയിൽ സ്വർണം വിറ്റ് പണമാക്കുന്നവരുടെ എണ്ണവും വർധിച്ചിട്ടുണ്ട് കഴിഞ്ഞ മൂന്നു മാസത്തിനിടെ ഏകദേശം 50 000 കിലോ സ്വർണമാണ് ഇന്ത്യക്കാർ വിറ്റ് പണമാക്കിയതെന്നാണ് ലഭ്യമായ കണക്കുകൾ ആഭരണവിലയും കുറഞ്ഞു സ്വർണവില കുറഞ്ഞതോടെ ആഭരണങ്ങളുടെ വിലയിലും ആശ്വാസമുണ്ട് പുതുക്കിയ നിരക്കിൽ 10 ശതമാനം പണിക്കൂലിയും ജിഎസ്ടിയും ഉൾപ്പെടുത്തി ഒരു പവൻ സ്വർണാഭരണം വാങ്ങാൻ ഏകദേശം 1 16 500 രൂപ മതിയാകും എന്നാൽ ആഭരണത്തിന്റെ ഡിസൈൻ അനുസരിച്ച് പണിക്കൂലി 3 ശതമാനം മുതൽ 30 ശതമാനം വരെ വ്യത്യാസപ്പെടാം 18 കാരറ്റ് സ്വർണത്തിന്റെ വില ഗ്രാമിന് 130 രൂപ കുറഞ്ഞ് 10 615 രൂപയായി ചില ജ്വല്ലറികളിൽ ഇത് 10 650 രൂപ നിരക്കിലും വിൽക്കുന്നുണ്ട് അതേസമയം വെള്ളിവില ഗ്രാമിന് 5 രൂപ കുറഞ്ഞ് 235 രൂപയിലെത്തി ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക