• News Desk
• 2 2026-07-18 08:28:40

മൂന്നിലവ് പഞ്ചായത്തിലെ മലയോര ഗ്രാമമായ ഇരുമാപ്രയിലെ ജനങ്ങൾ ഇന്നും ഒരു ബസിൽ കയറണമെങ്കിൽ ഏകദേശം ആറു കിലോമീറ്റർ നടന്ന് പ്രധാന റോഡിലെത്തണം പതിറ്റാണ്ടുകളായി തുടരുന്ന ഈ യാത്രാദുരിതത്തിന് ശാശ്വത പരിഹാരം വേണമെന്ന ആവശ്യം നാട്ടുകാർ വീണ്ടും ശക്തമാക്കുകയാണ് ഒരുകാലത്ത് റോഡില്ലായ്മയായിരുന്നു പ്രധാന പ്രശ്നം പിന്നീട് മൂന്നിലവ് പഞ്ചായത്തിലെ ഒന്നാം വാർഡിനെയും മേലുകാവ് പഞ്ചായത്തിലെ നാലാം വാർഡിനെയും ബന്ധിപ്പിച്ച് ഇരുമാപ്ര വഴി റോഡ് നിർമ്മിക്കപ്പെട്ടതോടെ യാത്രാസൗകര്യം മെച്ചപ്പെടുമെന്നായിരുന്നു ജനങ്ങളുടെ പ്രതീക്ഷ എന്നാൽ റോഡ് എത്തിയെങ്കിലും സ്ഥിരം ബസ് സർവീസ് ഇന്നുവരെ യാഥാർഥ്യമായില്ല കുറച്ച് വർഷങ്ങൾക്ക് മുമ്പ് കെ എസ് ആർ ടി സി ബസ് സർവീസ് ആരംഭിച്ചെങ്കിലും അത് ഒരാഴ്ച മാത്രമാണ് ഓടിയത് സർവീസ് നിലനിർത്താൻ യാത്രക്കാർ ഒന്നിലധികം ടിക്കറ്റുകൾ എടുത്ത് കളക്ഷൻ വർധിപ്പിക്കാനും ശ്രമിച്ചെങ്കിലും ഒടുവിൽ സർവീസ് അവസാനിപ്പിക്കുകയായിരുന്നു മലയോര മേഖലയായ ഇരുമാപ്രയിൽ കൂടുതലായും താമസിക്കുന്നത് സാധാരണക്കാരും പട്ടികജാതി പട്ടികവർഗ വിഭാഗത്തിൽപ്പെട്ട കുടുംബങ്ങളുമാണ് ഇവരിൽ പലരും മൂന്നിലവ് മേലുകാവ് ഈരാറ്റുപേട്ട പാലാ തുടങ്ങിയ പ്രദേശങ്ങളിലേക്ക് ദിവസേന ജോലിക്കായി പോകുന്നവരാണ് എന്നാൽ ബസ് സൗകര്യമില്ലാത്തതിനാൽ തൊഴിൽ വിദ്യാഭ്യാസം ചികിത്സ സർക്കാർ സേവനങ്ങൾ എന്നിവയെല്ലാം വലിയ ബുദ്ധിമുട്ടോടെയാണ് ലഭ്യമാകുന്നത് സ്കൂളുകളിലേക്കും കോളേജുകളിലേക്കും പോകുന്ന വിദ്യാർത്ഥികൾക്കും സർക്കാർ സ്വകാര്യ സ്ഥാപനങ്ങളിലെ ജീവനക്കാർക്കും കർഷകർക്കും ഈ യാത്രാദുരിതം വലിയ തിരിച്ചടിയാണ് ഓട്ടോറിക്ഷയിൽ യാത്ര ചെയ്യണമെങ്കിൽ 150 മുതൽ 200 രൂപ വരെ നൽകേണ്ടി വരുന്നു സർക്കാർ നൽകുന്ന സൗജന്യ റേഷൻ വാങ്ങാൻ പോലും ഇത്രയും തുക യാത്രയ്ക്കായി ചെലവഴിക്കേണ്ട അവസ്ഥയാണെന്ന് നാട്ടുകാർ പറയുന്നു കർഷകരാണ് ഏറ്റവും കൂടുതൽ ദുരിതം അനുഭവിക്കുന്നത് കൃഷി ഉൽപ്പന്നങ്ങൾ വിപണിയിലെത്തിക്കാൻ വലിയ യാത്രാചെലവ് വഹിക്കേണ്ടിവരുന്നതിനാൽ പലപ്പോഴും ലഭിക്കുന്ന വരുമാനത്തിന്റെ വലിയൊരു പങ്ക് ഗതാഗതച്ചെലവായി നഷ്ടമാകുന്നു ഇതുമൂലം കൃഷിയും ജീവിതോപാധിയും പ്രതിസന്ധിയിലാണെന്ന് കർഷകർ ചൂണ്ടിക്കാട്ടുന്നു സ്വകാര്യ സ്ഥാപനങ്ങളിലോ വ്യവസായ സ്ഥാപനങ്ങളിലോ ജോലി ലഭിച്ചാലും യാത്രാചെലവ് കൂടുതലായതിനാൽ ജോലി തുടരാൻ കഴിയാത്ത സാഹചര്യമാണെന്ന് യുവാക്കൾ പറയുന്നു ലഭിക്കുന്ന വേതനത്തിന്റെ വലിയൊരു ഭാഗം യാത്രയ്ക്കായി ചെലവാകുന്നതും ആശങ്ക വർധിപ്പിക്കുന്നു സംസ്ഥാന സർക്കാർ സ്ത്രീകൾക്കായി ആരംഭിച്ച പ്രിയദർശിനി പോലുള്ള ബസ് സർവീസുകൾ മലയോര മേഖലകളിലേക്കും വ്യാപിപ്പിക്കണമെന്നാണ് നാട്ടുകാരുടെ ആവശ്യം പ്രത്യേകിച്ച് സ്കൂൾ ഓഫീസ് സമയങ്ങളിൽ രാവിലെയും വൈകുന്നേരവും സ്ഥിരം ബസ് സർവീസ് ആരംഭിച്ചാൽ നൂറുകണക്കിന് ആളുകളുടെ യാത്രാദുരിതത്തിന് വലിയ ആശ്വാസമാകുമെന്ന് അവർ അഭിപ്രായപ്പെടുന്നു ഈ വിഷയത്തിൽ മന്ത്രിമാർ ഉൾപ്പെടെയുള്ള ജനപ്രതിനിധികൾക്കും ബന്ധപ്പെട്ട വകുപ്പുകൾക്കും നിരവധി തവണ നിവേദനങ്ങൾ നൽകിയിട്ടും ഇതുവരെ ശാശ്വതമായ പരിഹാരം ഉണ്ടായിട്ടില്ല വർഷങ്ങളായി തുടരുന്ന ഈ യാത്രാക്ലേശത്തിന് എത്രയും വേഗം പരിഹാരം കാണണമെന്ന പ്രതീക്ഷയിലാണ് ഇരുമാപ്രയിലെ ജനങ്ങൾ പാലാ നിയോജക മണ്ഡലത്തിലെ ഇരുമാപ്ര പോലുള്ള മലയോര പ്രദേശങ്ങളിലെ ജനങ്ങളുടെ യാത്രാദുരിതം സർക്കാർ ഗൗരവമായി കാണണം സൗജന്യ റേഷൻ വാങ്ങാൻ പോകാൻ പോലും 150 200 വരെ ചെലവഴിക്കേണ്ട അവസ്ഥയാണ് പല ദരിദ്ര കുടുംബങ്ങൾക്കും ഗതാഗത സൗകര്യം ഒരു ആഡംബരമല്ല അത് ജനങ്ങളുടെ അടിസ്ഥാന അവകാശമാണ് മലയോര മേഖലകൾക്കായി പ്രത്യേക ഗതാഗത പാക്കേജ് നടപ്പാക്കി ഇരുമാപ്രയിലേക്കും സ്ഥിരം ബസ് സർവീസ് ഉറപ്പാക്കാൻ സർക്കാരും ജനപ്രതിനിധികളും അടിയന്തരമായി ഇടപെടണം പ്രിയദർശിനി പോലുള്ള നല്ല പദ്ധതികളുടെ പ്രയോജനം ഇത്തരം പ്രദേശങ്ങളിലേക്കും എത്തേണ്ട സമയമാണിത് സന്തോഷ് ഇരുമാപ്രഇരുമാപ്രയ്ക്ക് ബസ് വേണം ജനങ്ങളുടെ അടിസ്ഥാന അവകാശംപാലാ നിയോജക മണ്ഡലത്തിലെ വാഹനസൗകര്യം ഏറ്റവും കുറവുള്ള പ്രദേശങ്ങളിലൊന്നാണ് ഇരുമാപ്ര ഗതാഗതയോഗ്യമായ നല്ല റോഡുള്ള ഈ പ്രദേശത്ത് ഇന്നും സ്ഥിരമായ ഒരു ബസ് സർവീസ് ഇല്ലാത്തത് ജനങ്ങളെ വലിയ യാത്രാദുരിതത്തിലാക്കുകയാണ് സ്ത്രീകളുടെ യാത്രാസൗകര്യത്തിനും പൊതുഗതാഗത വികസനത്തിനും പ്രാധാന്യം നൽകുന്ന സർക്കാർ ഇരുമാപ്രയിലെ ജനങ്ങളുടെ ഈ യഥാർത്ഥ ബുദ്ധിമുട്ടും മനസ്സിലാക്കണം വിദ്യാർത്ഥികൾക്കും തൊഴിലാളികൾക്കും വയോജനങ്ങൾക്കും രോഗികൾക്കും സ്ത്രീകൾക്കും ഒരുപോലെ ബസ് സർവീസ് അനിവാര്യമാണ് ഇരുമാപ്രയിലെ ജനങ്ങളുടെ ഈ ന്യായമായ ആവശ്യം ബന്ധപ്പെട്ട അധികാരികൾ ഗൗരവത്തോടെ പരിഗണിച്ച് എത്രയും വേഗം സ്ഥിരമായ ഒരു ബസ് സർവീസ് അനുവദിക്കണമെന്ന് അഭ്യർത്ഥിക്കുന്നു ഇത് ഒരു ആഡംബര ആവശ്യമല്ല മറിച്ച് ഈ പ്രദേശത്തെ ജനങ്ങളുടെ അടിസ്ഥാന യാത്രാവകാശം തന്നെയാണ് ജിമ്മി അരിമാക്കൽ