• News Desk
• 1 2026-07-17 08:37:17

അമ്പലവയൽ കർക്കടകം പിറന്നിട്ടും മഴയുടെ ലക്ഷണമില്ല തിരിമുറിയാതെ മഴ ലഭിക്കേണ്ട സമയത്ത് വയനാട്ടിൽ തെളിഞ്ഞ ആകാശവും കടുത്ത ചൂടുമാണ് മഴയെ മാത്രം ആശ്രയിച്ച് കൃഷി ചെയ്യുന്ന ജില്ലയിലെ നെൽക്കർഷകർ വലിയ പ്രതിസന്ധിയിലേക്കാണ് നീങ്ങുന്നത് മഴ ലഭിക്കാതെ ഉഴുതൊരുക്കിയ പാടങ്ങൾ വിണ്ടുകീറി പാറപോലെ ഉറച്ചിരിക്കുകയാണ് സാധാരണയായി മിഥുന മാസത്തിൽ പൂർത്തിയാകേണ്ട നിലമുഴലും വിത്തുവിതയും നാട്ടിപ്പണിയും ഇത്തവണ കർക്കടകത്തിലേക്കും നീണ്ടിരിക്കുകയാണ് ഭൂരിഭാഗം കർഷകർക്കും ഇതുവരെ വിത്തിറക്കാൻ പോലും കഴിഞ്ഞിട്ടില്ല ചിലയിടങ്ങളിൽ മഴ പ്രതീക്ഷിച്ച് വിത്തിട്ടെങ്കിലും വരണ്ട കാലാവസ്ഥ കാരണം അവ മുളച്ചുയരാതെ നശിച്ചുവെന്നാണ് കർഷകർ പറയുന്നത് പാരമ്പര്യ നെൽക്കർഷകനായ സുനിൽകുമാർ പറയുന്നതനുസരിച്ച് കർക്കടകത്തിന്റെ ആദ്യവാരത്തിൽ മഴ ലഭിച്ചാലേ കൃഷി ആരംഭിക്കാനാകൂ ഇനിയും വൈകിയാൽ വളപ്രയോഗം വർധിക്കുകയും ചാഴി ഓലകരിച്ചിൽ പോലുള്ള രോഗബാധകൾ കൂടുകയും അതോടെ വിളവെടുപ്പും ഗണ്യമായി കുറയുകയും ചെയ്യും ജില്ലയിലെ പ്രധാന നെൽക്കൃഷി മേഖലയായ നെന്മേനി പഞ്ചായത്തിലെ ചീരാൽ കല്ലിങ്കര പാടശേഖരത്തിൽ രണ്ടാഴ്ച മുൻപ് ഉഴുതിട്ട വയലുകൾ മഴയില്ലാതെ വിണ്ടുകീറി കട്ടിയായിരിക്കുകയാണ് ഇത്തരത്തിൽ ഉറച്ച മണ്ണ് വീണ്ടും ഇളക്കി കൃഷിക്ക് അനുയോജ്യമാക്കേണ്ട സാഹചര്യം കർഷകർക്ക് അധിക സാമ്പത്തിക ബാധ്യതയുണ്ടാക്കും പ്രതിസന്ധി മഴക്കുറവിൽ മാത്രം ഒതുങ്ങുന്നില്ല തൊഴിലാളിക്ഷാമവും കർഷകരെ വലയ്ക്കുകയാണ് തമിഴ്നാട്ടിൽ നിന്ന് എത്തിയിരുന്ന കാർഷിക തൊഴിലാളികൾ പുതിയ സർക്കാർ നടപ്പാക്കിയ ക്ഷേമപദ്ധതികളുടെ ഭാഗമായി സ്വന്തം നാട്ടിൽ തന്നെ ജോലി ചെയ്യാൻ തുടങ്ങിയതോടെ അതിർത്തി കടന്ന് എത്തുന്ന തൊഴിലാളികളുടെ എണ്ണം ഗണ്യമായി കുറഞ്ഞിട്ടുണ്ട് കാലാവസ്ഥാ വകുപ്പിന്റെ കണക്കുകൾ പ്രകാരം ജൂൺ 1 മുതൽ ജൂലൈ 16 വരെ വയനാട്ടിൽ ലഭിക്കേണ്ടിയിരുന്ന 1174 2 മില്ലിമീറ്റർ മഴയിൽ ലഭിച്ചത് 463 3 മില്ലിമീറ്റർ മാത്രം ഇതോടെ 61 ശതമാനം മഴക്കുറവോടെ സംസ്ഥാനത്ത് ഏറ്റവും കൂടുതൽ മഴക്കുറവ് രേഖപ്പെടുത്തിയ ജില്ലയായി വയനാട് മാറിയിരിക്കുകയാണ് നെൽക്കർഷകനായ അബ്ദുൾ അസീസ് ചേറൂർ പറയുന്നതനുസരിച്ച് വിത്തിറക്കാനായി തയ്യാറാക്കിയ മണ്ണ് വീണ്ടും കിളച്ച് ഒരുക്കേണ്ടിവരുന്നത് വലിയ നഷ്ടമാണ് ഇത് നെല്ലിന്റെ രോഗപ്രതിരോധ ശേഷിയെയും ഉൽപാദനക്ഷമതയെയും പ്രതികൂലമായി ബാധിക്കുമെന്നും അദ്ദേഹം ചൂണ്ടിക്കാട്ടി നെന്മേനി പഞ്ചായത്തംഗവും കർഷകയുമായ പ്രീതി സുരേന്ദ്രൻ പറയുന്നു എത്ര പ്രതിസന്ധിയുണ്ടായാലും നഞ്ചക്കൃഷി ഉപേക്ഷിക്കാറില്ല എന്നാൽ ഇത്തവണ മഴയില്ലായ്മയും കടുത്ത ചൂടും കാരണം കൃഷി തുടങ്ങാനാകാതെ കാത്തിരിക്കുകയാണ് മഴ മാത്രമാണ് ഇനി പ്രതീക്ഷ മഴ വൈകുന്നത് തുടർന്നാൽ വയനാട്ടിലെ പ്രധാന കാർഷികവിളയായ നഞ്ചക്കൃഷി വലിയ തിരിച്ചടി നേരിടുമെന്ന ആശങ്കയിലാണ് ജില്ലയിലെ കർഷകർ മഴ പെയ്യുമെന്ന പ്രതീക്ഷയോടെ ആകാശത്തേക്ക് നോക്കിക്കൊണ്ടാണ് അവർ ഓരോ ദിവസവും തള്ളിനീക്കുന്നത് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക