• News Desk
• 3 2026-07-29 04:32:41

കോഴിക്കോട് വിദ്യാർത്ഥികൾക്ക് അറിവും മൂല്യബോധവും പകർന്നുനൽകേണ്ട അധ്യാപികമാർ തന്നെ എംഡിഎംഎ ലഹരി വിൽപ്പന ശൃംഖലയുടെ ഭാഗമായെന്ന കണ്ടെത്തൽ കോഴിക്കോട് ജില്ലയെ നടുക്കിയിരിക്കുകയാണ് പേരാമ്പ്ര ബിആർസിയുമായി ബന്ധപ്പെട്ട മൂന്നാമത്തെ അധ്യാപികയും അറസ്റ്റിലായതോടെ ലഹരി മാഫിയ വിദ്യാഭ്യാസ മേഖലയിലേക്കും വേരൂന്നിയിട്ടുണ്ടോയെന്ന ആശങ്ക ശക്തമാകുകയാണ് പോലീസിന്റെ അന്വേഷണത്തിൽ വടകര ആവിക്കൽ സ്വദേശി സഫ്വാനെ രണ്ട് ഗ്രാം എംഡിഎംഎയുമായി മാസങ്ങൾക്ക് മുമ്പ് അറസ്റ്റ് ചെയ്തതോടെയാണ് ഈ ലഹരി ശൃംഖലയെക്കുറിച്ചുള്ള നിർണായക വിവരങ്ങൾ ലഭിച്ചത് ഇയാളെ ചോദ്യം ചെയ്തതിന്റെ അടിസ്ഥാനത്തിൽ ആദ്യം പേരാമ്പ്ര ബിആർസിയിലെ അധ്യാപികയായ കീർത്തന 31 യെ ജൂലൈ 12 ന് പോലീസ് ഡാൻസാഫ് സംഘം അറസ്റ്റ് ചെയ്തു തുടർന്നുള്ള അന്വേഷണത്തിൽ ആവശ്യക്കാരിൽ നിന്ന് ലഭിച്ച പണം കീർത്തനയുടെ ബാങ്ക് അക്കൗണ്ടിലേക്കാണ് എത്തിയിരുന്നതെന്ന് കണ്ടെത്തി ഇതിന്റെ അടിസ്ഥാനത്തിൽ അന്വേഷണം വ്യാപിപ്പിച്ചപ്പോൾ ബിആർസിയിലെ മറ്റൊരു അധ്യാപികയായ കാവ്യയുടെ പങ്കും പുറത്തുവന്നു കാവ്യയുടെ അക്കൗണ്ടിലൂടെയും ലഹരി ഇടപാടുകളുടെ പണമിടപാടുകൾ നടന്നതായി കണ്ടെത്തിയതിനെ തുടർന്ന് ചൊവ്വാഴ്ച അറസ്റ്റ് രേഖപ്പെടുത്തി അതിനുപിന്നാലെ ഇതേ ബിആർസിയിലെ മറ്റൊരു അധ്യാപികയായ നീഷ്മയെയും ബുധനാഴ്ച പോലീസ് അറസ്റ്റ് ചെയ്തു ഇതോടെ കേസിൽ അറസ്റ്റിലായ അധ്യാപികമാരുടെ എണ്ണം മൂന്നായി ഇൻസ്റ്റഗ്രാമിലൂടെ ബന്ധം അക്കൗണ്ടിലൂടെ പണമിടപാട് മൂന്നുപേരും ഇൻസ്റ്റഗ്രാം വഴിയാണ് ലഹരി സംഘങ്ങളുമായി ബന്ധം സ്ഥാപിച്ചതെന്ന് അന്വേഷണ സംഘം കണ്ടെത്തി ആദ്യം സ്വന്തം ആവശ്യത്തിനായി എംഡിഎംഎ വാങ്ങിയ ഇവർ പിന്നീട് ലഹരി വിതരണ ശൃംഖലയിലെ കണ്ണികളായി മാറുകയായിരുന്നുവെന്നാണ് പോലീസിന്റെ കണ്ടെത്തൽ മൂന്ന് പേരും എംഡിഎംഎ ഉപയോഗിച്ചിരുന്നതായും ഇതുസംബന്ധിച്ച അന്വേഷണം തുടരുകയാണെന്നും പോലീസ് അറിയിച്ചു അധ്യാപികമാരെന്ന നിലയിൽ സംശയം കുറവായിരിക്കുമെന്ന കണക്കുകൂട്ടലിലാണ് മയക്കുമരുന്ന് മാഫിയ ഇവരെ ഉപയോഗപ്പെടുത്തിയതെന്നാണ് അന്വേഷണ ഉദ്യോഗസ്ഥരുടെ വിലയിരുത്തൽ ലൊക്കേഷൻ കൈമാറി കമ്മിഷൻ വാങ്ങി അന്വേഷണപ്രകാരം ലഹരി വാങ്ങുന്നവരിൽ നിന്ന് പണം ആദ്യം അധ്യാപികമാരുടെ ബാങ്ക് അക്കൗണ്ടുകളിലേക്ക് എത്തും തുടർന്ന് ആവശ്യക്കാർക്ക് ലൊക്കേഷൻ കൈമാറുകയും വിതരണക്കാർ സ്ഥലത്തെത്തി എംഡിഎംഎ കൈമാറുകയും ചെയ്യും ഓരോ 50 000 രൂപയുടെ ഇടപാടിനും ഏകദേശം 3 000 രൂപ കമ്മിഷൻ ലഭിച്ചിരുന്നതായി പ്രതികൾ മൊഴി നൽകിയിട്ടുണ്ട് എന്നാൽ ഈ മൊഴി പൂർണമായി വിശ്വസിക്കാൻ അന്വേഷണസംഘം തയ്യാറായിട്ടില്ല ലഹരി ഇടപാടുകളിലൂടെ അക്കൗണ്ടിലെത്തിയ പണത്തിന്റെ ഒരു ഭാഗം സ്വന്തം ആവശ്യങ്ങൾക്കായി ഉപയോഗിച്ചിരുന്നതായും പോലീസിന് വിവരം ലഭിച്ചിട്ടുണ്ട് വലിയ ശൃംഖലയിലേക്ക് അന്വേഷണം മംഗളൂരുവിലെ ഒരു സുഹൃത്തിലൂടെയാണ് ഇവർ ആദ്യമായി എംഡിഎംഎ ഉപയോഗിച്ചതെന്നും പിന്നീട് വിൽപ്പന ശൃംഖലയുടെ ഭാഗമായതെന്നുമാണ് അന്വേഷണത്തിൽ വ്യക്തമായത് കേസിന്റെ വ്യാപ്തി കണക്കിലെടുത്ത് റൂറൽ എസ് പി മെറിൻ ജോസഫിന്റെ നേതൃത്വത്തിൽ പ്രത്യേക അന്വേഷണ സംഘത്തെ നിയോഗിച്ചിട്ടുണ്ട് ഈ കേസിന് പിന്നിൽ സംസ്ഥാനാന്തര ലഹരി ശൃംഖല പ്രവർത്തിക്കുന്നുണ്ടോയെന്നും കൂടുതൽ ആളുകൾ ഇതിൽ ഉൾപ്പെട്ടിട്ടുണ്ടോയെന്നും പരിശോധിച്ചുവരികയാണ് വിദ്യാർത്ഥികളുമായി ബന്ധപ്പെട്ട ഏതെങ്കിലും തരത്തിലുള്ള ബന്ധമോ സ്വാധീനമോ ഉണ്ടായിട്ടുണ്ടോയെന്ന കാര്യവും അന്വേഷണത്തിന്റെ ഭാഗമായി വിശദമായി പരിശോധിക്കുമെന്ന് പോലീസ് അറിയിച്ചു ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക